अहिल्यानगर: अल्पवयीन मुलीचा विहिरीत मृतदेह आढळला
Breaking News | Ahmednagar: मुलीचा विहिरीत मृतदेह आढळून आल्याने खळबळ उडाली.
जामखेड तालुक्यातील सातेफळ येथे मंगळवारी सायंकाळी चार वाजेच्या सुमारास वैष्णवी अण्णा भोसले (वय १३) या मुलीचा विहिरीत मृतदेह आढळून आल्याने खळबळ उडाली आहे. मयत वैष्णवी हिची आई ज्योती अण्णा भोसले यांनी १३ ऑक्टोबर रोजी खर्डा पोलिस ठाण्यात मुलगी वैष्णवी हिचे अपहरण झाल्याबाबत तक्रार नोंदविली होती.
याबाबत पोलिसांनी गुन्हा दाखल करून घेतला होता. दरम्यान, दोन दिवसांपूर्वी बेपत्ता झालेल्या अल्पवयीन मुलीचा विहिरीत मृतदेह आढळून आल्याने खळबळ उडाली आहे. सदर मुलीचा घातपात झाल्याचा संशय असून याबाबत पोलिस पुढील तपास करत आहेत. घटना समजताच पोलिसांनी मृतदेह ताब्यात घेत जामखेड येथील रुग्णालयात शवविच्छेदन केले. याबाबत पुढील तपास खर्डा पोलिस स्टेशनचे सहायक पोलिस निरीक्षक विजय झंजाड हे करत आहेत.
Web Title: Dead body of a minor girl was found in a well
See also: Latest Marathi News, Breaking News live, Education Study
