Breaking News | Sangamner Crime: चालण्यासाठी आलेल्या सेवानिवृत्त वृद्धाला दोन दुचाकींवरून आलेल्या तीन ते चार अज्ञात चोरट्यांनी चांदीच्या अंगठ्या व सोन्याचे ओम पान हिसकावून पोबारा केल्याची घटना.
संगमनेर: संगमनेर शहराजवळील – गुंजाळवाडीतील वेताळनाथ दूध डेअरीजवळ शनिवारी (दि. २२ जून) पहाटे सव्वापाच वाजेच्या सुमारास चालण्यासाठी आलेल्या सेवानिवृत्त वृद्धाला दोन दुचाकींवरून आलेल्या तीन ते चार अज्ञात चोरट्यांनी चांदीच्या अंगठ्या व सोन्याचे ओम पान हिसकावून पोबारा केल्याची घटना घडली आहे. याप्रकरणी संगमनेर शहर पोलिसांत अज्ञात चोरट्यांवर गुन्हा दाखल करण्यात आला आहे.
याबाबत शहर पोलिसांकडून मिळालेली अधिक माहिती अशी, की गुंजाळवाडीतील सेवानिवृत्त वृद्ध नागरिक तुळशीराम नाना खेमनर (वय ६५) हे व्यायाम करण्यासाठी पहाटे सव्वापाच वाजेच्या सुमारास वेताळनाथ दूध डेअरीजवळ चालत आले होते. त्याचवेळी दोन दुचाकींवरून आलेल्या तीन ते चार अज्ञात चोरट्यांनी त्यांच्या हातातील पाच हजार रुपये किमतीच्या पाच चांदीच्या अंगठ्या आणि पाच हजार रुपये किमतीचे सोन्याचे ओम पान असा एकूण दहा हजार रुपयांचा ऐवज हिसकावून पोबारा केला. याप्रकरणी तुळशीराम खेमनर यांनी दिलेल्या फिर्यादीवरून अज्ञात चोरट्यांवर गुन्हा दाखल झाला आहे. पुढील तपास पोलीस निरीक्षक भगवान मथुरे यांच्या मार्गदर्शनाखाली शहर पोलीस करत आहेत.
Web Title: dawn one was robbed of a mornig bend
See also: Latest Marathi News, Breaking News live, Education Study
