संगमनेरात जातीय तणाव: बाप लेकीला मारहाण, ग्रामस्थ रस्त्यावर

November 10, 2024

Breaking News | Sangamner: कट का मारला असे विचारण्यात आले असता दुचाकीला कट मारणाऱ्या तरुणाने बापलेकीला बेदम मारहाण करण्याची घटना. निंबाळे गावातील घटना.

संगमनेर: दुचाकीवर मुलीला घेऊन संगमनेरकडे येत असताना निंबाळे गावच्या शिवारात एका तरुणाने दुचाकीला कट मारला. त्यामुळे कट का मारला असे विचारण्यात आले असता दुचाकीला कट मारणाऱ्या तरुणाने बापलेकीला बेदम मारहाण करण्याची घटना घडली. या घटनेमुळे संतप्त झालेले ग्रामस्थ रस्त्यावर उतरले. आंदोलनकर्त्यांनी आरोपीला अटक करून त्याच्यावर गुन्हा दाखल करण्याची मागणी केली. अखेरीस पोलिसांनी संबंधित युवकाला ताब्यात घेतल्यानंतर तणाव शांत होण्यास मदत झाली.

याबाबत मिळालेली माहिती अशी की, मुलीला पुणे येथे जाण्यासाठी सोडण्याकरिता तिचे वडील तिला घेऊन संगमनेरकडे येत होते. निंबाळे फाटा येथे त्यांच्या गाडीला आयान बेग या युवकाने कट मारला. गाडीला कट का मारला असा जाब विश्वनाथ शिंदे यांनी या युवकाला विचारला याचा राग आल्याने त्याने शिंदे यांना मारहाण केली. वडिलांना मारहाण होत असल्याचे पाहून त्यांची वीस वर्षीय मुलगी गाडीच्या खाली उतरली. तिनेही या युवकाला जाब विचारला. त्याने या मुलीलाही मारहाण केली. या मारहाणीचे वृत्त वाऱ्यासारखे सर्वत्र पसरले. तालुक्यातील एका युवतीवर अन्याय होत असताना याकडे काहीजण सोयीस्कर दुर्लक्ष करत असल्याचा आरोप यावेळी कार्यकर्त्यांनी केला. घटनास्थळी पोलीस तैनात करण्यात आले आहे.

Web Title: Caste tension in Sangamner Father and daughter beaten up