अहिल्यानगर: खेळताना बारवेत पडला बुडून मुलाचा मृत्यू

Breaking News | Ahilyanagar: बारवेत पडलेल्या तरुणाचा मृतदेह रेस्क्यू टीमने पाण्याबाहेर काढला.

राहाता : गोगलगाव ग्रामपंचायत जवळील बारवेत पडलेल्या तरुणाचा मृतदेह रेस्क्यू टीमने पाण्याबाहेर काढला. दया घुले (रा. खांडगाव) असे मयत तरुणाचे नाव आहे.

गोगलगाव येथील रावसाहेब चिमाजी चौधरी यांच्या मुलीचा मुलगा (नातू) दया घुले (वय: १३) हा दिवाळीनिमित्त मामाच्या गावी गोगलगाव येथे आला होता. खेळता खेळता तो बारवेत पडला. त्याचा शोध लागत नसल्याने आपत्ती व्यवस्थापन अंतर्गत रेस्क्यू टीम तसेच शिर्डी व श्रीरामपूर येथील अग्निशमन पथकास माहिती देण्यात आली. तब्बल दोन तासांच्या रेस्क्यू ऑपरेशन नंतर त्या मुलाला पाण्यातून बाहेर काढण्यात आले. त्याच्या शरीरात भरपूर प्रमाणात पाणी गेले होते. त्यास लोणी येथील प्रवरा रुग्णालयात नेले. तिथे सदर मुलगा मयत झाल्याचे घोषित करण्यात आले.  

Web Title: boy died after falling into a bar while playing and drowning

See also: Latest Marathi News,  Breaking News live,  Education Study