धक्कादायक! पुलाखाली सापडले दोन पुरुष अन् एका महिलेचा मृतदेह

January 27, 2025

Breaking News: एका पुलाखाली तीन मृतदेह आढळून आले.

धाराशिव: तुळजापूर तालुक्यातील बाभळगाव येथून एक धक्कादायक बातमी समोर आली आहे. यात एका पुलाखाली तीन मृतदेह आढळून आले आहे. यातील 1 महिला व 2 पुरुषाचे मृतदेह असल्याची माहिती पुढे आली आहेत. या घटनेमुळे परिसरात एकच खळबळ उडाली आहे. दरम्यान घटनेची माहिती मिळताच पोलिसांनी घटनास्थळी भेट देत कारवाई सुरू केली आहे. सध्या पोलिसांनी तीनही मृतदेह वर काढले असून अधिकतपास सुरू केला आहे.

मिळालेली अधिक माहिती अशी की, आढळून आलेल्या मृतदेहावरून पोलिसांनी असा अंदाज लावला आहे की हे तीनही मृतदेह तीनदिवसांपूर्वी पाण्यात पडले असावे. दरम्यान ही घटना घातपात आहे की अपघात याचा पोलीस तपास करत आहे. पोलिसांनी केलेल्या तपासात पुरुषाचा मृतदेह बाहेर काढला असता त्याची ओळख पटली असून हे सर्वजण मुरूम येथील आनंदनगर येथील रहिवासी आहेत. सर्वजण दुचाकीवर प्रवास करत असल्याची प्राथमिक माहिती पुढे आली आहे. दरम्यान पाण्यातून दुचाकी देखील बाहेर काढण्यात आली आहे. ही घटना सोलापूर-हैदराबाद महामार्ग क्रमांक 65 वर बाबळगाव गावाजवळील घडली आहे. यावेळी बघ्यांनी एकच गर्दी केल्याने काही काळ वाहतूकही विस्कळीत झाली होती. सध्या पोलीस या घटनेचा अधिक तपास करत आहे. मात्र या घटनेमुळे परिसरात एकच खळबळ उडाली आहे.

Web Title: bodies of two men and one woman were found under the bridge