संतापजनक: सातवीच्या विद्यार्थिनीची भररस्त्यात छेडछाड

बीड | Beed: बीडमध्ये पुन्हा एकदा मुलींच्या सुरक्षेचा प्रश्न ऐरणीवर आल्याचा प्रकार समोर आला आहे. इयत्ता सातवीच्या वर्गात शिक्षण घेणाऱ्या शाळकरी विद्यार्थीनीला, भररस्त्यात अडवून छेडछाड काढल्याचा संतापजनक प्रकार घडला आहे.

बीड शहरातील सातवीच्या वर्गात शिक्षण घेणारी पीडित विद्यार्थिनी नेहमी प्रमाणे शिकवणीसाठी गेली होती. यावेळी सायकलवरून घरी परतत असतांना, आरोपी वैभव चंद्रसेन क्षीरसागर 19 , रा . संत नामदेवनगर,  बीड याने दुचाकीवरून येत असताना भररस्त्यात हात पकडत छेड काढण्याचा प्रयत्न केला.

पीडितेने घरी गेल्यावर हा सर्व प्रकार कुटुंबातील व्यक्तींना कथन केला. त्यानंतर बीडच्या शिवाजीनगर ठाण्यात याविषयी तक्रार दिली असून आरोपी वैभव क्षीरसागर विरोधात बीडच्या शिवाजी नगर पोलीस ठाण्यात विनयभंग (Molestation), अट्रॉसिटीनुसार गुन्हा दाखल करण्यात आला असून अटक करण्यात आली.  

Web Title: Beed Seventh-grader molested