गुढीपाडव्याच्या दिवशी प्रेमयुगालांची गळफास घेऊन आत्महत्या

गुढीपाडव्याच्या दिवशी प्रेमयुगालांची गळफास घेऊन आत्महत्या

सोलापूर: गुढीपाडवा या शुभदिनी प्रेमियुगालाने गळफास घेऊन आत्महत्या केल्याची घटना उघडकीस आली आहे. त्यांच्या प्रेमाला घरातून विरोध असल्यामुळे मागील दहा दिवसांपासून दोघेही घरातून बेपता झाले होते.  पहाटेच्या सुमारास बार्शीतील राउत तलावाच्या पाठीमागील बाजूस असलेल्या झाडाला या प्रेमियुगालानी गळफास घेऊन आपली जीवनयात्रा संपवली.

मागील १० दिवसांपासून त्यांचे कुटुंबीय व पोलीस त्यांचा शोध घेत होते. यामध्ये प्रेयसी अल्पवयीन असल्यामुळे प्रियकरावर अपहरणाचा गुन्हा देखील दाखल झालेला होता.

घरातील होणाऱ्या विरोधामुळे त्यांनी आपली जीवनयात्रा संपविली. गुढीपाडव्याच्या दिवशी अशी घटना घडल्यामुळे संपूर्ण बार्शी तालुक्यात हळहळ व्यक्त केली जात आहे.