नऊ वर्षाच्या मुलीस पळवून नेण्याचा प्रयत्न
Breaking News | Ahmednagar: शाळेतून घरी चाललेल्या नऊ वर्षांच्या लहान मुलीला पळून नेण्याचा प्रयत्न केल्याची घटना.
श्रीगोंदा: श्रीगोंदा तालुक्यातील वांगदरी शिवारात शाळेतून घरी चाललेल्या नऊ वर्षांच्या लहान मुलीला पळून नेण्याचा प्रयत्न केल्याची घटना मंगळवारी (दि. ३०) दुपारी घडली. सोबतच्या मुलांनी आरडा ओरड केल्यानंतर पळून जाणाऱ्या अल्पवयीन तिघांना ग्रामस्थांनी पाठलाग करून पकडत पोलिसांच्या ताब्यात दिले. याप्रकरणी चिमुकलीच्या आईने दिलेल्या फिर्यादीवरून तीन अल्पवयीन तरुणांविरुद्ध श्रीगोंदा पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेल्या माहितीनुसारः मंगळवारी (दि. ३०) दुपारी पावणेदोनच्या सुमारास नऊ वर्षांची लहान मुलगी अन्य विद्यार्थ्यांसह शाळेतून घराकडे चालली होती. वांगदरी शिवारातील तिरमलवस्तीजवळ पाठीमागून दुचाकीवर आलेल्या तिघांनी या चिमुकलीला पळविण्याचा प्रयत्न केला. अन्य विद्यार्थ्यांनी आरडाओरडा केल्याने शेजारी जमा झाल्याने त्या तरुणांनी चिमुकलीला मुलीला सोडून देत तेथून पळ काढला. ग्रामस्थांनी पाठलाग करून त्या तरुणांना पकडले. घटनेची माहिती समजताच पोलिसांनी घटनास्थळी धाव घेत आरोपींना ताब्यात घेतले. आरोपी अल्पवयीन असल्याने त्यांना बालसुधारगृहात पाठविण्यात आले आहे. पोलीस उपनिरीक्षक समीर अभंग पुढील तपास करीत आहेत.
Web Title: An attempt to abduct a nine-year-old girl
See also: Latest Marathi News, Breaking News live, Education Study
