अकोले: बिबट्याच्या हल्ल्यातील जखमी बालिकेचा मृत्यू

अकोले | Akole: मंगळवारी सायंकाळी माही जनक वैद्य वय दीड वर्ष  या बालिकेवर बिबट्याने हल्ला करीत गंभीररीत्या जखमी केले होते. या हल्ल्यात जखमी झालेल्या बालिकेचे अखेर आज निधन झाले आहे.

अकोले तालुक्यातील सुगाव खुर्द येथील माही जनक वैद्य (वय दीड वर्ष) ही मुलगी मंगळवारी सायं ७ वाजेच्या सुमारास बिबट्याच्या हल्ल्यात गंभीर रित्या जखमी झाली होती.

बिबट्याच्या जबड्यातून दैव बलवत्तर म्हणून ती वाचली. अकोले रुग्णालयांत  तिच्यावर उपचार सुरु होते.तिला  २५ टाके टाकावे लागले होते. तिच्या परिस्थितीत विशेष सुधारणा होत नसल्यामुळे त्याच दिवशी रात्री तिला पुढील उपचारासाठी प्रवरानगर लोणी येथे हलविण्यात आले.

मात्र दोन दिवसांच्या संघर्षानंतर आज गुरुवारी दुपारी तिची प्राणज्योत अखेर मालविली. तिच्या निधनाबद्दल अकोले तालुक्यातून हळहळ व्यक्त होत आहे.

Web Title: Akole Death of a girl injured in a Bibatya attack