अहिल्यानगर: अजय महाराज बारस्करांना मारहाण, दोघे ताब्यात
Breaking News | Ahmednagar: अजय महाराज बारस्कर यांना रात्री घरी येऊन दोन तरुणांनी शिवीगाळ करीत मारहाण.
अहिल्यानगर: बोल्हेगाव येथील अजय महाराज बारस्कर यांना गुरूवारी रात्री घरी येऊन दोन तरुणांनी शिवीगाळ करीत मारहाण केली. याप्रकरणी एमआयडीसी पोलिसांनी तात्काळ मारहाण करणार्यांना ताब्यात घेतले आहे. याबाबत रात्री उशिरापर्यंत गुन्हा दाखल करण्याचे काम सुरू होते. दरम्यान, अजय महाराज बारस्कर यांनी मनोज जरांगे यांच्यावर आरोप केले होते. यावरून मारहाण झाली का? याचा तपास पोलीस करत आहेत. अजय महाराज बारस्कर यांचे बोल्हेगाव फाटा येथे घर आहे. गुरूवारी सातच्या सुमारास दोन तरुण घरी आले.
घरातील महिलांना शिवीगाळ करू लागले. त्यांनी महिलांनाही मारहाण केली. त्याचवेळी अजय महाराज बारस्कर घरी गेले असता त्या दोघांनी बारस्कर महाराज यांनाही पाईपने मारहाण केली. ही घटना एमआयडीसी पोलिसांना समजताच पोलिसांनी घटनास्थळी धाव घेतली. मारहाण करणार्या दोघांना ताब्यात घेतले. रात्री उशिरापर्यंत गुन्हा दाखल करण्याचे काम सुरू होते. याबाबत सहायक पोलीस निरीक्षक माणिक चौधरी म्हणाले, की अजय महाराज बारस्कर यांना मारहाण करणार्या दोघांना ताब्यात घेतले असून, गुन्हा दाखल करण्याचे काम रात्री उशिरापर्यंत सुरू होते.
Web Title: Ajay Maharaj Barskar beaten up, both detained
See also: Latest Marathi News, Breaking News live, Education Study
