संगमनेर शहरात डंपरच्या चाकाखाली चिरडून तरुणाचा मृत्यू
Breaking News | Sangamner Accident: डंपरने मोटारसायकलला धडक दिल्याने झालेल्या अपघातात मोटारसायकलस्वार जागीच ठार तर अन्य दोघेजण जखमी झाल्याची घटना.
संगमनेर: डंपरने मोटारसायकलला धडक दिल्याने झालेल्या अपघातात मोटारसायकलस्वार जागीच ठार तर अन्य दोघेजण जखमी झाल्याची घटना काल दुपारी साडेचार वाजेच्या सुमारास शहरातील दिल्ली नाका परिसरात घडली. या घटनेने नागरिकांनी संताप व्यक्त केला आहे. या अगोदर देखील शहरात धडकेत चिरडून मृत्यू झाल्याच्या घटना घडल्या आहेत. आता पुन्हा एकदा या घटनेने खळबळ उडाली आहे. संगमनेरात वाहतुकीची अक्षरशः कोंडी निर्माण झाली आहे.
याबाबत समजलेली माहिती अशी की, शहरातील दिल्लीनाका परिसरात वाहनांची नेहमी वर्दळ असते. यामुळे अनेकदा अपघात होत असतात काल दुपारी विजय उर्फ बेटी केणेकर (वय ३२, रा. रंगारगल्ली, संगमनेर) हा आपल्या मित्रासोबत मोटारसायकलवरून जात होता. केणेकर हा नगर रस्त्यावरून नवीन नगर रोड कडे येण्यासाठी गाडी वळवत असताना अचानक त्याच्या गाडीला डंपरचा धक्का लागला. डंपरचा धक्का लागून ते तिघेही खाली पडले. या अपघातामध्ये विजय उर्फ बंटी केणेकर हा डंपरच्या चाकाखाली सापडल्याने त्याचा जागीच मृत्यू झाला. दुचाकीवर बसलेले अन्य दोघे किरकोळ जखमी झाले.
10 वी व 12 विद्यार्थ्यांसाठी उपयुक्त इंग्रजी शिका – Education Portal
या अपघाताची माहिती मिळताच परिसरातील नागरिकांनी तात्काळ अपघातस्थळी धाव घेतली. नागरिकांनी मदत करण्याअगोदरच दुचाकीस्वाराचा मृत्यू झाला होता. या अपघातामुळे वाहतूक काही वेळ ठप्प झाली होती. मयत केणेकर हा तरुण शहरातील दिवेकर गॅस एजन्सीमध्ये नोकरी करत होता. रात्री उशिरापर्यंत पोलिसांनी अपघाताचा गुन्हा दाखल केलेला नव्हता.
Web Title: Accident A young man died after being crushed under the wheels of a dumper in Sangamner city
See also: Latest Marathi News, Breaking News live, Education Study
