चालत्या दुचाकीवर रिल बनवताना अपघात; दोघे शाळकरी  विद्यार्थ्यांचा मृत्यू

Accident: परभणी जिल्ह्यातील घटना: दुचाकीला अज्ञात वाहनाने धडक दिल्याने झालेल्या अपघातात चार शाळकरी विद्यार्थी गंभीर जखमी झाले त्यापैकी दोघांचा उपचारादरम्यान मृत्यू झाला.

पाथरी (जि. परभणी): प्रजासत्ताक दिनानिमित्त गुरुवारी सकाळी ध्वजारोहणासाठी दुचाकीवरून जाताना रिल बनवत असताना त्यांच्या दुचाकीला अज्ञात वाहनाने धडक दिल्याने झालेल्या अपघातात चार शाळकरी विद्यार्थी गंभीर जखमी झाले त्यापैकी दोघांचा उपचारादरम्यान मृत्यू झाला. ही दुर्घटना पाथरी तालुक्यातील डाकूपिंप्री येथे घडली.

या अपघातात गंभीर जखमी झालेल्या स्वप्नील ज्ञानेश्वर चव्हाण, राहुल महादू तिथे, योगानंद कैलास घुगे, शंतनू सोनवने या चारही विद्यार्थ्यांना उपचारासाठी अंबाजोगाईला आणण्यात आले होते. त्यातील स्वप्नील चव्हाण या विद्यार्थ्याची प्रकृती चिंताजनक असल्याने त्यास तातडीने लातूरला हलविले होते. अंबाजोगाईत उपचार घेणाऱ्या तिघांपैकी शंतनू कांचन सोनवणे याचा गुरुवारी मृत्यू झाला, तर लातूरला उपचार घेणाऱ्या स्वप्नीलचा शुक्रवारी मृत्यू झाला.

हात रस्त्यावर तुटून पडला

■ पाथरी तालुक्यातील डाकूपिंप्री येथील इयत्ता नववीतील चार विद्यार्थी सकाळी साडेसहाच्या सुमारास दुचाकीवरुन कानसूर फाटा येथील हायस्कूलमध्ये ध्वजारोहणासाठी निघाले होते.

स्वप्नील चव्हाण शंतनू सोनवने

■ डाकूपिंप्री ते कानसूर फाटा येथून जाताना शाळेच्या अगदी जवळ काही अंतरावर दुचाकीवरून हे विद्यार्थी आपल्या मोबाइलमध्ये व्हिडीओ रिल बनवत होते. त्यांचा व्हिडीओ मोबाइलमध्ये कैद झाला.

■ मात्र, काही वेळात त्यांच्या दुचाकीला अज्ञात वाहनाने धडक दिल्याने गंभीर अपघात झाला. यात एका विद्यार्थ्यांचा हात अक्षरश: रस्त्यावर तुटून पडला होता.

Web Title: Accident while making reels on a moving bike Two school students died

See Latest Marathi News, Ahmednagar News, and Download Now Sangamner Akole News Ahmednagar Live App