अहमदनगर: कंटेनर दुचाकीच्या भीषण अपघातात, दोन तरुण जागीच ठार
Breaking News | Ahmednagar: कंटेनर-मोटारकार व दुचाकीच्या भीषण अपघातात दुचाकीवरील दोन तरुण जागीच ठार.
नगर : नगर-सोलापूर रस्त्यावरील घोगरगाव शिवारात गुरुवारी सकाळी साडेअकरा वाजता कंटेनर-मोटारकार व दुचाकीच्या भीषण अपघातात दुचाकीवरील दोन तरुण जागीच ठार झाले. शेखर नवनाथ मिसाळ (वय ३४), राजेश बबन थोरात (वय २६) अशी त्यांची नावे असून, दोघे अंभोरा (ता. आष्टी) येथील होते. याबाबत श्रीगोंदा पोलिस ठाण्यात अकस्मात मृत्यूची नोंद करण्यात आली आहे.
शेखर व राजेश राशीनला जात होते. ते घोगरगाव शिवारात बाह्यवळण रस्त्यावर भोस वस्ती चौकात आले तेव्हा तेथे कंटेनरने एका मोटारकारला धडक दिली. कार बाजूला जाऊन पडली. कंटेनरने पुढे जात या दुचाकीला जोराची धडक दिली. दोघे तरुण शंभर फुटांवर जाऊन पडले.
घोगरगावचे सरपंच सागर आमले, पोलिस पाटील सुदाम बोरूडे, विकी तरटे, शिवाजी वाघ, दत्तात्रय भोस, दत्ता तरटे, पप्पू बेरड यांच्यासह ग्रामस्थांनी तत्काळ रुग्णवाहिका बोलावून दोघांनाही जिल्हा रुग्णालयात दाखल केले. त्या शेखर मिसाळ यांचा जागीच मृत्यू झाला होता. राजेश थोरात याचा प्रवासादरम्यान मृत्यू झाला.
Web Title: accident involving a container bike, two youths were killed on the spot
See also: Latest Marathi News, Breaking News live, Education Study
