अहमदनगर: अपघातात महिला ट्रॅक्टरच्या चाकाखाली येवून मृत्यू

Ahmednagar Accident: ट्रॅक्टरला ओव्हरटेक करत असताना दोन मोटारसायकलींची धडक होवून एका मोटारसायकलवरील महिला ट्रॅक्टरच्या चाकाखाली येवून मृत्यू. 

नेवासा | Nevasa News: नेवासा तालुक्यातील अंमळनेर-निंभारी रस्त्यावर ट्रॅक्टरला ओव्हरटेक करत असताना दोन मोटारसायकलींची धडक होवून एका मोटारसायकलवरील महिला ट्रॅक्टरच्या चाकाखाली येवून तीचा मृत्यू  झाल्याची घटना शुक्रवारी रात्री घडली.

याबाबत अधिक माहिती अशी की, नेवासा तालुक्यातील अंमळनेर-निंभारी रस्त्यावर घावटे वस्तीजवळ शुक्रवारी रात्री निंभारी येथील सुनिता संजय गवळी यांच्या अंगावरून ट्रॅक्टर गेल्याने त्यांचा जागीच मृत्यू झाला. निंभारी येथील धनंजय संजय गवळी हा त्याची आई सुनिता व ज्ञानेश्वरी जयप्रकाश गवळी यांना घेवून चुलत बहिणीच्या हळदीच्या कार्यक्रमासाठी अंमळनेर येथे जात होता.

दरम्यान ऊस घेऊन जाणार्‍या ट्रॅक्टरला ओव्हरटेक करत असताना दोन मोटारसायकलची समोरासमोर धडक झाली. त्यात गवळी याची मोटरसायकल ट्रॅक्टरच्या बाजूने पडली. यात सुनिता गवळी यांच्या अंगावरुन चाक गेल्याने त्यांचा जागीच मृत्यू झाला. तर दुसर्‍या मोटारसायकलवरील दुचाकीस्वार गंभीर जखमी झाले असून हॉस्पीटलमध्ये उपचार घेत आहे.

हे जखमी दुचाकीस्वार गोणेगाव येथील असल्याची माहिती कळते. मयत सुनिता गवळी यांच्यावर शवविच्छेदनानंतर शनिवारी दुपारी निंभारी येथे अंत्यसंस्कार करण्यात आले. सोनई पोलीस ठाण्यात अकस्मात मृत्यूची नोंद करण्यात आली आहे.

Web Title: accident, a woman fell under the wheel of a tractor and died

See Latest Marathi News, Ahmednagar News, and Download Now Sangamner Akole News Ahmednagar Live App