अहमदनगर: आमिष दाखवून तरुणीवर अत्याचार, तिघांवर गुन्हा
Breaking News | Ahmednagar: घटस्फोट झाल्याचे खोटे सांगून तरुणीला लग्नाचे आमिष दाखवून तिच्यावर वारंवार अत्याचार केल्याची घटना.
अहमदनगर: घटस्फोट झाल्याचे खोटे सांगून तरुणीला लग्नाचे आमिष दाखवून तिच्यावर वारंवार अत्याचार केला. तिला मारहाणही केल्याची घटना समोर आली आहे. सिन्नर (जि. नाशिक) तालुक्यातील पीडित तरुणीने रविवारी (दि. २५) रात्री दिलेल्या फिर्यादीवरून अत्याचार करणाऱ्या तरुणासह त्याच्या दोन मित्रांवर तोफखाना पोलीस ठाण्यात गुन्हा दाखल करण्यात आला आहे.
प्रवीण साहेबराव जाधव (रा. राघू हिवरे, तिसगाव, ता. पाथर्डी), गणेश पिसे, सुधीर मैड (दोघे रा. तिसगाव) अशी गुन्हा दाखल झालेल्यांची नावे आहेत. फिर्यादीची प्रवीण सोबत सोशल मीडियावर ओळख झाली होती. ते दोघे फोनवर बोलत होते. त्यांची भेट झाली तेव्हा प्रवीणने माझा घटस्फोट झाला असून मला मूलबाळ नाही असे सांगून लग्न करण्याचे फिर्यादीला आमिष दाखविले होते. दरम्यान फिर्यादीच्या घरच्यांनी त्यांचे लग्न दुसऱ्या मुलासोबत ठरविल्यानंतर फिर्यादी प्रवीणसोबत नगरला निघून आली होती. प्रवीणने तिला मनमाड रस्त्यावरील एका फ्लॅटवर ठेवले. तेथे ते दोघे एक महिना एकत्र राहिले असता त्यांच्यात शारिरीक संबंध आले होते. ते दोघे लग्न करण्यासाठी आळंदी (जि. पुणे) येथे गेले असता प्रवीणने त्यावेळी फिर्यादीसोबत लग्न करण्यास टाळले. प्रवीणचे लग्न झाले असून तो पत्नी व मुलासह राघु हिवरे येथे राहत असल्याची माहिती फिर्यादीला मिळाली. त्याला जाब विचारला असता त्याने शिवीगाळ करून मारहाण केली. तसेच प्रवीणचे मित्र पिसे व मैड यांनी देखील शिवीगाळ करून मारहाण केली. नंतर फिर्यादीला खराडी (पुणे) येथील एका रूममध्ये ठेवले. त्यानंतर देखील प्रवीणने फिर्यादीसोबत लग्न करण्यास टाळाटाळ केली असल्याचे फिर्यादीत म्हटले आहे. अधिक तपास पोलीस उपनिरीक्षक सचिन रणशेवरे करीत आहेत.
Web Title: Abuse of young woman by luring, crime against three
See also: Latest Marathi News, Breaking News live, Education Study
