Breaking News | Ahmednagar: १३ वर्षीय अल्पवयीन मुलाने पाच वर्षाच्या अल्पवयीन मुलीवर अत्याचार केल्याची घटना.
अहमदनगर: १३ वर्षीय अल्पवयीन मुलाने पाच वर्षाच्या अल्पवयीन मुलीवर अत्याचार केल्याची घटना नगर शहरातील एका उपनगरात घडली. पीडित अल्पवयीन मुलीच्या आईने या प्रकरणी काल, बुधवारी कोतवाली पोलीस ठाण्यात दिलेल्या फिर्यादीवरून अल्पवयीन मुलाविरूध्द अत्याचार, पोस्को कलमानुसार गुन्हा दाखल करण्यात आला आहे. सदरची घटना सोमवारी (५ ऑगस्ट) सायंकाळी साडेपाचच्या सुमारास घडली आहे.
याबाबत अधिक माहिती अशी की, फिर्यादी यांनी त्यांच्या पाच वर्षाच्या मुलीला खेळण्यासाठी सोडले असता अल्पवयीन मुलाने तिच्यावर अत्याचार केला. सदरचा प्रकार त्या अल्पवयीन मुलीने तिच्या वडिलांना सांगितला. त्यानंतर त्यांनी बुधवारी कोतवाली पोलीस ठाणे गाठून फिर्याद दिली आहे. सहायक पोलीस निरीक्षक विकास काळे अधिक तपास करत आहेत.
Web Title: Abuse of a minor girl Ahmednagar
See also: Latest Marathi News, Breaking News live, Education Study
