संगमनेर: हॉटेलात काम करणाऱ्या तरुणास मारहाण

March 25, 2024

Breaking News | Sangamner Crime: काळ्या रंगावरून हिणवल्याचा जाब विचारल्याचा राग आल्याने पाच ते सहा अनोळखी महाविद्यालयीन तरुणांनी हॉटेलात काम करणाऱ्या तरुणाला मारहाण.

संगमनेर: काळ्या रंगावरून हिणवल्याचा जाब विचारल्याचा राग आल्याने पाच ते सहा अनोळखी महाविद्यालयीन तरुणांनी हॉटेलात काम करणाऱ्या तरुणाला मारहाण केली. ही घटना शनिवार दि. २३ मार्च रोजी साडेचार वाजेच्या सुमारास संगमनेर बसस्थानकात घडली. याप्रकरणी शहर पोलिसांत गुन्हा दाखल झाला आहे.

याबाबत शहर पोलिसांनी दिलेली अधिक माहिती अशी, की निलेश विजय भोसले (वय २३, रा. वरवंडी, ता. संगमनेर) हा बसस्थानकावर आला असता पाच ते सहा अनोळखी महाविद्यालयीन तरुणांनी काळ्या रंगावरून हिणवले. याचा जाब विचारला असता निलेशला तरुणांनी लाथाबुक्क्यांनी मारहाण केली. याप्रकरणी निलेश भोसले याने दिलेल्या तक्रारीवरून कलमान्वये शहर पोलिसांनी विविध पाच ते सहा अनोळखी तरुणांवर गुन्हा दाखल केला आहे. अधिक तपास पोहेकॉ. गवळी करत आहेत.

Web Title: A young man working in a hotel was beaten up