अहिल्यानगर: रेल्वेरुळावर उडी मारून तरुणाची आत्महत्या

Breaking News | Ahilyanagar Suicide: पैशाची मागणी करणाऱ्याच्या त्रासाला कंटाळून तरुणाने रेल्वे रुळावर जात आत्महत्या केल्याची घटना.

अहिल्यानगर: पैशाची मागणी करणाऱ्याच्या त्रासाला कंटाळून तरुणाने रेल्वे रुळावर जात आत्महत्या केल्याची घटना बुधवारी (दि. ५) रात्री साडेबारा ते दीड वाजेच्या सुमारास पुणे रोडवरील रेल्वे रुळावर घडली.

कृष्णा श्रीनाथ काळे (वय २१, रा. शिवाजीनगर, केडगाव) असे मृत तरुणाचे नाव आहे. याबाबत सुनील राजेश कुन्हाडे (रा. शिवाजीनगर, केडगाव) यांनी दिलेल्या फिर्यादीवरून शरद रामचंद्र जाधव (रा. शिवाजीनगर, केडगाव) याच्याविरोधात आत्महत्येस प्रवृत्त केल्याप्रकरणी कोतवाली पोलिस ठाण्यात गुरुवारी गुन्हा दाखल झाला आहे. फिर्यादी व मयत तरुण आरोपीचे पैसे घेऊन गेले होते. त्यावेळी पैसे न घेता तुला पैसे देता येत नसेल तर जीव देऊन टाक, असे म्हणत कृष्णाला त्रास दिला. या त्रासाला कंटाळून तरुणाने रेल्वे रुळावर उडी मारून आत्महत्या केली, असे फिर्यादीत म्हटले आहे.

Web Title: Youth commits suicide by jumping on railway tracks

See also: Latest Marathi News,  Breaking News live, Sangamner News, Ahmednagar News