Breaking News | Ahmednagar: लाथाबुक्क्यांनी केलेल्या मारहाणीत शेतमजुराच्या मुलाचा मृत्यू.
नेवासा : तालुक्यातील खडका शिवारात लाथाबुक्क्यांनी केलेल्या मारहाणीत शेतमजुराच्या मुलाचा मृत्यू झाला. या प्रकरणी मुलाचा तिघांविरुद्ध नेवासा पोलिस ठाण्यात खुनाचा गुन्हा दाखल करण्यात आला आहे.
याबाबत भाऊसाहेब नेमाणे (हल्ली मुक्काम खडका) यांनी फिर्याद दिली. या प्रकरणी अमोल खेमनर, वच्छलाबाई खेमनर, किसन खेमनर यांच्यावर खुनाचा गुन्हा दाखल करण्यात आला आहे. एक ऑगस्टला भाऊसाहेब नेमाणे यांचा मुलगा शरद हा उलटी करत होता. भाऊसाहेब यांनी त्यास विचारणा केली. त्याने सांगितले की, मागील मारहाणीच्या कारणावरून सकाळी साडेअकराच्या सुमारास अमोल खेमनर याच्या शेतात अमोल खेमनर, वच्छलाबाई खेमनर, किसन खेमनर या तिघांनी दमदाटी केली. पोटात लाथाबुक्क्यांनी मारहाण केल्याचे शरद याने सांगितले. त्याचवेळी भाऊसाहेब यांची गुरू मुलगी मीराबाई पिंपळे हिने शरद यास घरी आणल्याचे सांगितले. शरद यास उलट्या व पोटदुखीचा त्रास होत असल्याने नेवासा येथे खासगी दवाखान्यात उपचार केले. मात्र उपचारापूर्वीच शरद मयत झाल्याचे सांगितले, असे फिर्यादीत म्हटले आहे.
Web Title: A child died in the beating
See also: Latest Marathi News, Breaking News live, Education Study
