अहमदनगर: विहिरीत आढळला अनोळखी तरुणाचा मृतदेह
Breaking News | Sangamner: एका विहिरीत अनोळखी तरुणाचा मृतदेह आढळून आल्याने एकच खळबळ.
राहुरी: राहुरी तालुक्यातील देवळाली प्रवरा येथील लाख रोड परिसरातील मुसमाडे वस्ती येथे एका विहिरीत अनोळखी तरुणाचा मृतदेह रविवारी दुपारी १२ वाजेच्या दरम्यान आढळून आला. त्यामुळे एकच खळबळ उडाली आहे.
दरम्यान अनोळखी तरुणाने विहिरीत उडी घेऊन आत्महत्या केल्याची शक्यता वर्तविली जात आहे. मुसमाडे वस्ती येथे सुभाष मुथा यांच्या शेतात स्वमालकीची विहीर आहे. दुपारच्या वेळी जवळ राहणारे यशवंत पोटघन यांना सदर विहिरीत पिवळा टी-शर्ट व काळ्या रंगाची पॅन्ट घातलेल्या अवस्थेत अनोळखी तरुणाचा मृतदेह दिसून आला. त्यानंतर त्यांनी सदर माहिती माजी नगरसेवक डॉ. संदीप मुसमाडे यांना दिली. घटनास्थळी राहुरी पोलिस ठाण्याचे सहायक फौजदार विष्णू आहेर यांनी धाव घेत पंचनामा केला. विहिरीत तरंगलेल्या अवस्थेत मृतदेह पाहण्यासाठी नागरिकांनी मोठी गर्दी केली होती.
Web Title: Dead body of an unknown youth was found in a well
See also: Latest Marathi News, Breaking News live, Education Study
