कारवर अज्ञातांकडून गोळीबार; माजी नगरसेवकासह एकाचा मृत्यू

May 30, 2024

Breaking News | Jalgaon: अज्ञातांच्या गोळीबारात दोन जणांचा मृत्यू झाल्याची घटना.

जळगाव : जळगावच्या भुसावळ शहरात अज्ञातांच्या गोळीबारात दोन जणांचा मृत्यू (Death) झाल्याची घटना समोर आली आहे. मृतांमध्ये माजी नगरसेवकाचा समावेश असून त्यांचा एक सहकारी देखील या गोळीबाराच्या घटनेत मृत्युमुखी पडला. भुसावळ शहरातील जुना सातारा रोड भागात कारमधून जात असलेल्या चौघांवर अज्ञातांनी गोळीबार केला. हल्ल्यामागील मागील कारण अद्याप स्पष्ट होऊ शकलेलं नाही. या घटनेनंतर संपूर्ण भुसावळ शहरात पोलिसांनी नाकाबंदी केली आहे.

भुसावळ शहरातील माजी नगरसेवक संतोष बारसे यांच्यासोबत इतर तिघे कारमधून जात असताना त्यांच्या कारवर अज्ञातांनी अंदाधुंद गोळीबार केला. यामध्ये माजी नगरसेवक संतोष बारसेंसह आणखी एकाचा मृत्यू झाला आहे. या घटनेनं संपूर्ण शहरात मोठी खळबळ उडाली आहे.

याबाबत माहिती अशी की, भुसावळ शहरात जुना सातारा रोडवरून संतोष बारसे हे कारमधून जात असताना मरिमाता मंदिर परिसरजवळ कार येताच दबा धरून बसलेल्या दोघांनी त्यांचेवर अंदाधुंद गोळीबार केल्यानं ते कार मध्येच जागेवर कोसळले होते. यावेळी पोलिसांनी त्यांना तातडीनं जवळच्या खासगी रुग्णालयात दाखल केलं. पण तोपर्यंत फार उशीर झाला होता. डॉक्टरही दोघांना मृत घोषित केलं होतं. या घटनेची माहिती भुसावळ शहरात वाऱ्यासारखी पसरली, काही वेळातच हजारो लोक खासगी रुग्णालयाच्या आवारात एकत्र जमले. वाढता जमाव आणि तणाव वाढत असल्याचं लक्षात घेत पोलिसांनी दोघांचे मृतदेह जळगाव शासकीय वैद्यकीय महाविद्यालयात पाठविण्यात आले.

Web Title: Unknown shooting at car One death, including a former councillor