उष्माघाताने तरुणाचा मृत्यू; उपचारासाठी रुग्णालयात नेण्यापुर्वीच मृत्यू
Breaking News | Marathvada HeatStroke: वाढत्या तापमानामुळे प्रचंड उष्णता जाणवत आहे .पैठण तालुक्यातील बिडकिन येथे ३० वर्षीय युवकाचा काल उष्माघाताने मृत्यू झाल्याची घटना.
बिडकीन : उन्हाच्या झळा व वाढत्या तापमानामुळे प्रचंड उष्णता जाणवत आहे.पैठण तालुक्यातील बिडकिन येथे ३० वर्षीय युवकाचा काल उष्माघाताने मृत्यू झाल्याची घटना घडली आहे.
पैठण तालुक्यातील हा पहिला बळी असल्याची चर्चा सुरू आहे. जैनपुर येथे फिरण्यासाठी गेलेल्या एका तरुणाला भोवळ व चक्कर आल्याने मृत्यू झाल्याची घटना काल दुपारी ४ वावाजेच्या सुमारास घडली आहे.
गणेश राधेश्याम कुलकर्णी (वय.३० वर्षे,रा.मारवाडी गल्ली बिडकिन) असे मृत तरुणाचे नाव आहे. गणेश हा मित्र व नातेवाईक यांच्या सोबत जैनपुर येथे फिरण्यासाठी गेलेला असताना अचानक भोवळ व चक्कर येऊन खाली पडला होता.
त्यानंतर त्याच्या नाक,तोंडातुन फेस येऊन जागीच मृत्यू झाला. ग्रामीण रुग्णालय बिडकिन येथे नातेवाईक शुभम कुलकर्णी याने उपचारासाठी दाखल केले असता वैद्यकीय अधिकारी डॉ प्रणिता मात्रे यांनी गणेश कुलकर्णी यास मृत घोषीत केले आहे.
ग्रामीण रुग्णालय बिडकिन येथे शवविच्छेदन करत मृतदेह नातेवाईकांच्या ताब्यात देण्यात आला होता.काल रात्री उशिरा अंत्यसंस्कार करण्यात आले आहे.गणेश कुलकर्णी हा एका खासगी कंपनीत मजुर म्हणून काम करत होता. बिडकिन व परिसरात घटनेची माहिती मिळताच हळहळ व्यक्त केली जात आहे.
मयत गणेश कुलकर्णी यांचा मृत्यू हा उष्माघाताने झाला असल्याचा अंदाज वर्तविण्यात येत आहे तर शवविच्छेदन अहवाल तयार झाल्यानंतर याबाबत खात्रीलायक माहिती समोर येईल.
Web Title: Youth dies of heatstroke Death before being taken to hospital for treatment
See also: Latest Marathi News, Breaking News live, Education Study
