दरोड्याच्या तयारीत असलेल्या सराईत गुन्हेगारांची टोळी गजाआड; 10 लाख 83 हजाराचा मुद्देमाल हस्तगत
Breaking News | Ahmednagar: दरोडा टाकण्याच्या तयारीत असलेल्या पाच जणांच्या मुसक्या कोपरगाव तालुका पोलिसांनी आवळल्या.
कोपरगाव : दरोडा टाकण्याच्या तयारीत असलेल्या पाच जणांच्या मुसक्या कोपरगाव तालुका पोलिसांनी आवळल्या. त्यांच्या ताब्यातून तलवार, कत्ती, कटावणी, दांडके व मिरचीपूड याशिवाय दोन कार आणि पाच मोबाइल असा एकूण दहा लाख ८३ हजार रुपयांचा मुद्देमाल पोलिसांनी जप्त केला आहे. दोघे जण फरार झाले. ही घटना शिर्डी ते नाशिकरोडवर कोपरगाव तालुक्यातील देर्डे को-हाळे शिवारात गुरुवारी (दि. १५) रात्री बाराच्या सुमारास घडली.
पाेलिसांनी दिलेल्या माहितीनूसार मयुर उर्फ भुऱ्या अनिल गायकवाड (वय 21, रा. इंदिरानगर, ता. कोपरगांव), अमोल उर्फ ऋतुंजय अविनाश कुंदे (वय 20, रा. एकरुखे, ता. राहाता), समाधान देविदास राठोड (वय 23, रा. करंजीबोलकी, ता. कोपरगांव), संदीप पुंजा बनकर (वय 33, रा. द्वारकानगर रोड, शिर्डी, ता. राहाता), उमेश तानाजी वायदंडे (वय 27, रा. गणेशनगर, ता. राहाता) अशी अटक केलेल्यांचे नाव असल्याचे सांगितले. इतर दोघांचा पोलीस शोध घेत आहे.
या गुन्हेगारांकडून तलवार, कटवणी, गुप्ती, लाकडी दांडके, मिरची पुड्या असे साहित्य आढळून आले. पोलिसांनी आरोपींकडून चार मोबाईल, दोन कार असा दहा लाख 83 हजार 400 रुपयांचा मुद्देमाल हस्तगत केला आहे. पो.कॉ बाळासाहेब अशोक गुंजाळ यांच्या फिर्यादीवरून गुन्हा दाखल करण्यात आला आहे. या आरोपींवर अनेक गंभीर गुन्हे दाखल असल्याचे पोलिस तपासात समोर आले आहे.
Web Title: gang of criminals swarms the inn preparing for a robbery,10 lakh 83 thousand seized
See also: Latest Marathi News, Breaking News live, Education Study
