Home अहिल्यानगर अहमदनगर: खासगी क्लासेसमध्ये शिक्षकाचे अल्पवयीन मुलीसोबत चाळे

अहमदनगर: खासगी क्लासेसमध्ये शिक्षकाचे अल्पवयीन मुलीसोबत चाळे

December 29, 2023

Ahmednagar Crime: खासगी क्लासेसमध्ये अल्पवयीन मुलीसोबत तेथील शिक्षकानेच चाळे केल्याची घटना.

अहमदनगर: सावेडीतील खासगी क्लासेसमध्ये अल्पवयीन मुलीसोबत तेथील शिक्षकानेच चाळे केल्याची घटना समोर आली आहे. पीडित अल्पवयीन मुलीने घडलेला प्रकार घरी सांगितल्यानंतर हे प्रकरण तोफखाना पोलिसात गेले. पोलिसांनी पीडितेची फिर्याद नोंदवून घेत शिक्षकाविरोधात विनयभंग, पोक्सो कलमान्वये गुन्हा दाखल केला आहे. बुधवारी (दि. २७) दुपारी सोनानगर चौकातील खासगी क्लासेसमध्ये ही घटना घडली.

सत्यम नवनाथ कुटे (मूळ रा. कुटे वस्ती, देडगाव ता. नेवासा, हल्ली रा. वैदूवाडी, सावेडी, नगर) असे चाळे करणाऱ्या शिक्षकाचे नाव आहे. त्याच्या विरोधात गुन्हा दाखल झाला आहे. नगर शहरात राहणारी फिर्यादी अल्पवयीन मुलगी (वय १७) शहरातीलच एका विद्यालयात शिक्षण घेते. तसेच ती सोनानगर चौकातील खासगी क्लासेससाठी जात असते. बुधवारी दुपारी ती क्लासेसमध्ये गेल असता तेथे सत्यम कुटे हा एकटाच उपस्थित होता. त्याने फिर्यादीकडे प्रेमसंबंध ठेवण्याची मागणी केली त्यानंतर फिर्यादीने त्याला सुनावले तरी देखील त्याने फिर्यादीचा हात पकडून तिच्या सोबत लज्जा उत्पन्न होईल, असे वर्तन केले. फिर्यादीन त्याच्या तावडीतून स्वतः ची सुटक करून घेत घर गाठले. घडलेल प्रकार आईला सांगितला. त्यानंत- त्यांनी सायंकाळी तोफखाना पोलीस ठाणे गाठून फिर्याद दिली. पोलिसांन पीडितेच्या फिर्यादीवरून कुट विरोधात गुन्हा दाखल केला असून अधिक तपास सहा. पोलीस निरीक्षक जे.सी. मुजावर करीत आहेत.

सावेडीच्या सोनानगर चौकात असलेला तो खासगी क्लास चांगलाच प्रसिध्द आहे. तेथे हजारो विद्यार्थी क्लाससाठी येत असतात. तेथील शिक्षकानेच मुलीसोबत चाळे केल्याची घटना समोर आल्याने विद्यार्थ्यांसह पालक वर्गात एकच खळबळ उडाली आहे.

Web Title: Molested of teacher with minor girl in private classes