अहमदनगर मध्ये मराठा आरक्षण आंदोलनाला भाजपचा पाठींबा

October 25, 2023

Maratha Reservation | Ahmednagar News: मराठा समाजाला ओबीसीतून आरक्षण मिळाले पाहिजे, या प्रमुख मागणीसाठी नगर शहरातील तहसील कार्यालयासमोर साखळी उपोषण सुरु.

अहमदनगर: मराठा समाजाला ओबीसीतून आरक्षण मिळालेच पाहिजे, या मागणीसाठी मनोज जरांगे पाटील यांनी अंतरवाली सराटी येथे केलेल्या आंदोलनाला पाठिंबा म्हणून अहमदनगर येथे सुरू करण्यात आलेल्या मराठा समाजाच्या साखळी उपोषणाला भाजपचे अहमदनगर शहर विधानसभा अध्यक्ष महेंद्र गंधे यांनी भेट देऊन पाठिंबा दिला आहे.

मराठा समाजाला ओबीसीतून आरक्षण मिळाले पाहिजे, या प्रमुख मागणीसह इतर मागण्यांसाठी मराठा नेते मनोज जरांगे पाटील यांनी बुधवारपासून अंतरवाली सराटी गावात उपोषण सुरू केले आहे. या उपोषणाला पाठिंबा म्हणून अहमदनगर सकल मराठा समाजाच्या वतीने नगर शहरातील तहसील कार्यालयासमोर साखळी उपोषण सुरू केले आहे. या उपोषणाला अहमदनगर शहर विधानसभा मतदारसंघाचे अध्यक्ष महेंद्र गंधे व ओबीसी सेलचे शहराध्यक्ष ज्ञानेश्वर काळे यांनी दुपारी दीड वाजता भेट दिली.

दरम्यान बुधवारपासून अंतरवली सराटी येथे मनोज जरांगे यांचे आमरण उपोषण सुरु आहे. या उपोषणाला पाठींबा म्हणून नगर शहरात आणि जामखेड येथे मराठा समाजाचे साखळी उपोषण सुरु आहे.

Web Title: BJP supports Maratha reservation movement in Ahmednagar