अहमदनगर ब्रेकिंग: दोन ट्रक व छोटा हत्ती या तीन वाहनांचा विचित्र अपघात, चार ठार

Ahmednagar News: सुपा कामरगाव हद्दीत दोन ट्रक व एक छोटा हत्ती वाहनांचा विचित्र अपघात (Accident) झाल्याची घटना घडली असून चार जण ठार झाले.

पारनेर | Parner:  अहमदनगर-पुणे माहामार्गावर गुरुवारी पहाटे सुपा कामरगाव हद्दीत दोन ट्रक व एक छोटा हत्ती वाहनांचा अपघात झाला. यात चार जण ठार झाले असुन 10 ते 12 जण जखमी झाले आहेत.

याबाबत अधिक माहिती अशी कि, गुरुवारी पहाटे 1.30 वाजेच्या सुमारास पुणे-अहमदनगर महामार्गावर सुपा कामरगाव हद्दीतील हॉटेल चौधरी (ता. नगर) जवळ पुण्याकडून नगरच्या दिशेने जात असलेला ट्रक दुभाजक ओलांडून विरूध्द बाजुस गेला. त्याचवेळी नगरकडून पुण्याच्या दिशेने छोटा हत्ती वाहन येत होता.

दुभाजक तोडलेल्या ट्रकने छोटा हत्ती वाहनाला जोराची धडक देऊन ती रोडच्या खाली नेऊन घातली. त्याच क्षणी अहमदनगरहून पुण्याच्या दिशेने जात असलेला एक कंटेनर अपघातग्रस्त ट्रकवर जाऊन धडकला. या तीन वाहनाच्या विचित्र अपघातात छोटा हत्ती वाहनातील विजय राजेंद्र अवचिते (वय 29), राजेंद्र विष्णु साळवे (वय 38), मयुर संतोष साळवे (वय 22 रा. आमदाबाद ता.शिरूर जि. पुणे), धिरज अजय मोहिते (वय 14 रा. चिंचोली मोर ता. शिरूर जि. पुणे) हे जागीच ठार झाले. तर अन्य दहा ते बारा जण जखमी झाले आहेत.

घटनेची माहिती मिळताच  सुपा पोलिस स्टेशचे फिरते पथकातील यशवंत ठोंबरे, रमेश शिंदे यांनी तात्काळ नगर तालुका पोलिस स्टेशनला माहिती देत जखमींना रुग्णालयात दाखल करण्यात आले.

Web Title: accident involving two trucks and a small elephant kills four

See Latest Marathi News, Ahmednagar News, and Download Now Sangamner Akole News Ahmednagar Live App