संतापजनक घटना: ३ वर्षीय मुलीवर बलात्कार करून हत्या  

पेण: पेण मध्ये सरत्या वर्षाच्या अखेरीस माणुसकीला काळिमा फासणारी संतापजनक घटना घडली आहे. आदिवासी समाजाच्या तीन वर्षीय चिमुरडीला घरातून उचलून नेऊन तिच्यावर अत्याचार करत तिची हत्या करण्यात आली.

ही घटना बुधवारी पहाटेच्या सुमारास घडली. आरोपी आदेश मधुकर पाटील वय ३४ यास अटक करण्यात आली आहे. याप्रकरणी पेणच्या नागरिकांनी निषेध केला आहे. अतिजलद न्यायालयात खटला चालवून आरोपीला फाशी देण्याची मागणी होत आहे.

पेण शहरानजीक खासगी हायस्कूल जवळ पंचोळा आदिवासी वाडी आहे. येथील आदिवासी वस्तीतील ३ वर्षीय बालिकेवर तिच्या घरातून उचलून नेण्यात आले. तिच्यावर पाशवी बलात्कार करण्यात आला त्यानंतर तिची हत्या करण्यात आली. याप्रकरणी आरोपीवर अपहरण, बलात्कार, पोक्सो असे गुन्हे दाखल करण्यात आले आहे.

Web Title: Pen 3-year-old girl raped and murdered