प्रेमसंबंधातून तरुणाने केला विवाहित महिलेचा निर्घुण खून

Breaking News | Jalgaon Crime: प्रेमसंबंधातून तरुणाने विवाहित महिलेचा खून केल्याची घटना.

जळगाव: तालुक्यातील साकेगाव येथे प्रेमसंबंधातून तरुणाने विवाहित महिलेचा खून केल्याची घटना बुधवारी (ता. २५) रात्री साडे अकरा वाजेच्या सुमारास घडली. सोनाली कोळी (वय २६) असे मयत महिलेचे नाव असून, साकेगावात राहत होती. या प्रकरणी भुसावळ तालुका पोलिस ठाण्यात गुन्हा दाखल करण्यात आला असून, संशयित तरुणास अटक करण्यात आली आहे.

सोनाली कोळी ही आपल्या पती व मुलीसोबत साकेगाव येथील भिलाटी क्षेत्रात राहत होती. संशयित सागर रमेश कोळी (वय २८, रा. साकेगाव) याच्या सोबत सोनालीचे प्रेसंबंध होते. मात्र गेल्या काही दिवसांपासून सोनाली व सागर यांच्यात वारंवार भांडणे होत असत.

मात्र, बुधवारी (ता. २५) रात्री साडेअकराच्या सुमारास फिर्यादी विनोद कुंभार यांच्या घरासमोर सागर रमेश कोळी हा सोनाली महेंद्र कोळी हिस मोठ्या आवाजता शिवीगाळ करून मारहाण करीत असल्याचे दिसले. भांडण सुरू असताना विनोद सुभाष कुंभार (वय २८, रा. साकेगाव भवानीनगर) यांनी त्यांच्यातील भांडण सोडविण्याचा प्रयत्न केला. मात्र संशयित याने कुंभार यांच्यासमोर सोनाली हिच्या पाठीवर, पोटाच्या बाजूला, उजव्या हाताला असे शरीरात सात ठिकाणी चाकू भोसकून गंभीर जखमी केले. कुंभार यांनी अडविण्याचा प्रयत्न केला. मात्र त्यांच्या उजव्या हाताला चाकू लागून दुखापत झाली आहे. याबाबत विनोद कुंभार यांच्या फिर्यादीवरून भुसावळ तालुका पोलिस ठाण्यात सागर कोळीविरूद्ध गुन्हा दाखल करण्यात आला आहे.

दरम्यान, रात्री जखमी सोनाली हीस गावातील आनंद ठाकरे यांनी भुसावळ ग्रामीण रुग्णालयात उपचारार्थ दाखल केले. मात्र वैद्यकीय अधिकारी डॉ. भूषण भोळे यांनी तिला मृत घोषित केले तर गुरुवारी (ता. २६) सकाळी सोनालीचे डॉ. भोळे यांनी शवविच्छेदन करून मृतदेह नातेवाईकांच्या ताब्यात देण्यात आला.

 भुसावळ तालुका पोलिस ठाण्यात या घटनेसंदर्भात माहिती मिळताच पोलिस ठाण्याचे पोलिस निरीक्षक महेश गायकवाड, सहाय्यक पोलिस निरीक्षक खंडेराव, सहाय्यक फौजदार बाळू पाटील, पोलिस कर्मचारी संजय तायडे, वाल्मीक सोनवणे, जगदीश भोई आदीनी घटनास्थळी धाव घेत चौकशी केली असता संशयित सागर कोळी यास ताब्यात घेतले. या प्रकरणी पोलिसांनी आरोपीवर गुन्हा दाखल केला असून, भुसावळ तालुका पोलिस ठाण्याचे सहाय्यक पोलिस निरीक्षक खंडेराव अधिक तपास करीत आहेत.

Web Title: young man committed the murder of a married woman due to love affair

See also: Latest Marathi News,  Breaking News live,  Education Study