अहमदनगर: उड्डाणपुलावर ट्रक उलटला अपघातांची मालिका सुरूच
Breaking News | Ahmednagar: उड्डाणपुलावर चांदणी चौकाजवळील वळणावर चालकाचा ताबा सुटून ट्रक उलटला.
अहमदनगर: येथील नगर – पुणे रोडवरील उड्डाणपुलावर चांदणी चौकाजवळील वळणावर चालकाचा ताबा सुटून ट्रक उलटला. हा अपघात शनिवारी रात्री साडेआठ वाजेच्या सुमारास घडला. सुदैवाने ट्रक पुलाखाली पडला नाही. पुलावरील याच वळणावर गत महिन्यात एक टेम्पो खाली कोसळून एकाचा मृत्यू झाला होता.
नगर – पुणे रोडवरील उड्डाणपुलावर अपघातांची मालिका सुरूच आहे. छत्रपती संभाजीनगरकडून बांधकाम साहित्य घेऊन जाणारा ट्रक शहरातील उड्डाणपुलावरून जात होता. चांदणी चौकाजवळ असलेल्या वळणावर ट्रक उलटला. सुदैवाने ट्रक खाली कोसळला नाही. मात्र, ट्रकमधील विटा खाली पडल्या. पुलाखाली यावेळी कुणीही नव्हते.
नगर – पुणे रोडवरील उड्डाणपुलावर गेल्या महिन्यातही टेम्पोचा अपघात झाला होता. टेम्पो पुलावरून खाली कोसळला होता. या वळणावर वारंवार अपघात होतात. वाहने उलटण्याचे प्रकार वाढल्याने पुलावरील हे वळण अयोग्य असल्याच्या तक्रारी नागरिकांकडून करण्यात येत आहेत.
विटा पडल्याचा मोठा आवाज झाल्याने परिसरात घबराट पसरली. दरम्यान, भिंगार कॅम्प व कोतवाली पोलिसांनी घटनास्थळी धाव घेत माहिती घेतली. या अपघातात सुदैवाने कोणतीही जीवित हानी झाली नाही. गेल्या महिन्यात पुलावरील याच वळणावर अपघात झाला होता. टेम्पो पुलावरून खाली कोसळला होता. त्यात एक जणाचा मृत्यू झाला होता.
Web Title: Truck overturns on flyover, series of accidents continues
See also: Latest Marathi News, Breaking News live, Education Study
