Home महाराष्ट्र महिला पोलीस कॉन्स्टेबलची आत्महत्या, सुसाईड नोटही मिळाली

महिला पोलीस कॉन्स्टेबलची आत्महत्या, सुसाईड नोटही मिळाली

November 1, 2023

Crime: एका 32 वर्षीय महिला पोलीस कॉन्स्टेबलने आत्महत्या (Suicide) केल्याची घटना.

मुंबई: मुंबईतील मानखुर्द येथे एका 32 वर्षीय महिला पोलीस कॉन्स्टेबलने राहत्या घरी गळफास घेऊन आत्महत्या केल्याची घटना घडली आहे. मानखुर्दच्या महाराष्ट्र नगर येथील राहत्या घरी महिला पोलीस कॉन्स्टेबलने गळफास घेतला.

वर्षा शिंदे असं मयत पोलीस कॉन्स्टेबलचं नाव आहे. त्या ट्रॉम्बे पोलीस ठाण्यात कार्यरत होत्या. आत्महत्येपूर्वी त्यांनी एक सुसाईड नोट देखील लिहून ठेवली आहे. यामध्ये त्यांनी पती आणि सासरच्यांवर गंभीर आरोपी लावले आहेत. ट्रॉम्बे पोलिसांनी अकस्मात मृत्यूची नोंद करत तपास सुरू केला आहे.

याबाबत अधिक माहिती अशी की, वर्षा शिंदे या गेल्या दीड वर्षांपासून ट्रॉम्बे पोलीस ठाण्यात कार्यरत होत्या. मात्र मंगळवारी सकाळी त्यांनी अचानक टोकाचा निर्णय घेत जीवन संपवलं. घटनेची माहिती मिळताच त्यांचे कुंटुबिय गोवंडीच्या शताब्दी रुग्णालयात दाखल झाले. मात्र उपचारापूर्वीच त्यांचा मृत्यू झाला.

वर्षा शिंदे यांनी सुसाईड नोटमध्ये लिहिल्याप्रमाणे कौटुंबिक वादामुळे त्या अस्वस्थ होत्या. सततच्या वादाला कंटाळूनच त्यांनी जीवन संपविले असल्याची प्राथमिक अंदाज पोलिसांनी दिली आहे. ट्रॉम्बे पोलिस याबाबत पुढील तपास करत आहेत.

Web Title: Suicide of female police constable, suicide note also received