Home Accident News पुणे नाशिक महामार्गावर प्रवाशांनी भरलेल्या शिवशाही बसला भीषण अपघात

पुणे नाशिक महामार्गावर प्रवाशांनी भरलेल्या शिवशाही बसला भीषण अपघात

August 19, 2023

Accident News: प्रवाशांनी भरलेल्या शिव शाही बसचा भीषण अपघात झाला.

पुणे: पुणे-नाशिक महामार्गावरुन अपघाताची एक बातमी समोर आली आहे. प्रवाशांनी भरलेल्या शिव शाही बसचा भीषण अपघात झाला आहे. बस अपघाताच्या घटना सातत्याने समोर येत असून काहीना जीव गमवावा लागला आहे.

याबाबत मिळालेली माहिती अशी की, पुणे-नाशिक महामार्गावर नारायणगाव बायपासला शिवशाही बसला अपघात झाल्याची घटना घडली आहे. पुण्याहून नाशिकच्या दिशेने शिवशाही बस जात असताना नारायणगाव बायपास येथे समोरून एक दुचाकी वेगात आली. समोर आलेल्या दुचाकीस्वाराला वाचविण्यासाठी शिवशाही चालकाने बस विरुद्ध दिशेला घेऊन जात असताना मागून एक कंटेनर समोर आला. यामध्ये शिवशाही बसचा अपघात झाला. या अपघात १४ प्रवाशी किरकोळ जखमी झालेत.

दरम्यान, अपघातग्रस्त बसचे दरवाजे अचानक लॉक झाल्याने समोरील काच फोडून प्रवाशांना बाहेर काढण्यात आले. सध्या जखमींना प्राथमिक उपचारासाठी रुग्णालयात दाखल करण्यात आलेय. सुदैवाने अपघातात मोठा अनर्थ टळल्याची भावना काही प्रवाशांनी व्यक्त केली आहे. दैव बलवत्तर म्हणून मोठी दुर्घटना टळली आहे.

Web Title: Shivshahi bus full of passengers met with a terrible accident