अहिल्यानगर-छ.संभाजीनगर महामार्गावर खासगी बसला भीषण आग
Breaking News | Ahmednagar: अहिल्यानगर-छ.संभाजीनगर महामार्गावर खाजगी बसला अचानक आग लागली.
नेवासा: अहिल्यानगर-छ.संभाजीनगर महामार्गावर खाजगी बसला अचानक आग लागली. ही घटना आज (बुधवार) पहाटे ५ च्या सुमारास घडलेली आहे. सुदैवाने बसमधील १५ प्रवासी बचावले आहेत. परंतु, आगीत बस जळून खाक झाली आहे.
मिळालेली अधिक माहिती अशी की, पुण्याहून जामोदकडे निघालेल्या खासगी बसला (क्र. HM-19-Y-3123)नेवासा तालुक्यातील खडका टोल नाका येथे आग लागली. प्राथमिक माहितीनुसार बसचा टायर फुटल्याने ही आग लागल्याचे समोर आले आहे.
आगीची माहिती मिळताच घटनास्थळी तातडीने पोलीस निरीक्षक धनंजय जाधव यांचेसह पोलीस घटनास्थळी पोचले आहेत. बसमधील सर्व प्रवासी खाली उतरवले आहे. वाहतूक सुरळीत चालू केली असल्याची माहिती जाधव यांनी दिली. तसेच भेंडा येथील लोकनेते मारूतरावजी घुले पाटील ज्ञानेश्वर सहकारी साखर कारखान्याचे अग्निशमन दल पोहोचले. आगीवर नियंत्रण मिळवण्यात आलं.
Web Title: private bus caught fire on the Ahilyanagar-Ch. Sambhajinagar highway
See also: Latest Marathi News, Breaking News live, Education Study
