Home क्राईम चारित्र्याच्या संशयावरून पतीच्या डोक्यात पत्नीने घातली कुऱ्हाड

चारित्र्याच्या संशयावरून पतीच्या डोक्यात पत्नीने घातली कुऱ्हाड

October 14, 2023

Murder Case: चारित्र्याचा संशय घेत वारंवार होणारी मारहाण आणि भांडण यामुळे कंटाळलेल्या पत्नीने पतीच्या डोक्यात कुऱ्हाड मारून जागीच ठार केल्याची घटना.

नंदुरबार : चारित्र्याचा संशय घेत वारंवार होणारी मारहाण आणि भांडण यामुळे कंटाळलेल्या पत्नीने पतीच्या डोक्यात कुन्हाड मारून जागीच ठार केल्याची घटना तेलखेडीचा वाडवाईपाडा ता. धडगाव येथे गुरुवारी रात्री घडली. याप्रकरणी पत्नी सुतीबाई केशव पावरा (२५) हिच्याविरुद्ध धडगाव पोलिसात खुनाचा गुन्हा दाखल करण्यात आला आहे. केशव जोरदार पावरा (२९) असे मयताचे नाव आहे.

सुतीबाई व केशव पावरा यांच्यात नेहमीच घरात कुरबुरी होत होत्या. केशव हा सुतीबाईवर चारित्र्याचा संशय घेऊन नेहमीच मारहाण करून भांडण करीत होता. या सर्व प्रकाराला सुतीबाई कंटाळली होती. गुरुवारी रात्री त्यांच्यात भांडण झाले. रागाच्या भरात सुतीबाई यांनी घरातील कुन्हाड घेऊन ती केशव यांच्या डोक्यात मारली. त्यात गंभीर जखमी होऊन केशव यांचा मृत्यू झाला.

Web Title: Murder Case Wife put ax on husband’s head due to suspicion of character