अल्पवयीन मुलीवर अत्याचार, पीडिता गरोदर राहिल्यानं प्रकरण उघडकीस
Breaking News | Thane Crime: 12 वर्षीय अल्पवयीन मुलीवर तिच्या घरात जबरदस्तीनं अत्याचार (abused) केल्याच्या घटनेमुळं खळबळ उडाली.
ठाणे: एका 12 वर्षीय अल्पवयीन मुलीवर तिच्या घरात जबरदस्तीनं अत्याचार केल्याच्या घटनेमुळं खळबळ उडाली आहे. पीडित मुलगी गरोदर राहिल्यानं ही धक्कादायक घटना उघडकीस आली आहे. याप्रकरणी बदलापूर पूर्व पोलीस ठाण्यात अज्ञात व्यक्तीवर अत्याचारासह विविध कलमान्वये गुन्हा दाखल केला आहे.
पोलिसांकडून मिळालेली माहिती अशी की, पीडित अल्पवयीन मुलगी मूळची नेपाळची असून ती आपल्या कुटुंबासह कामाच्या शोधात भारतात आली. पीडित कुटुंब कामाच्या शोधात असताना त्यांना बदलापूर पूर्व येथील इमारत बांधकामाच्या ठिकाणी काम तसंच निवारा म्हणून एक खोली देण्यात आली. त्याचवेळी जून महिन्यात अज्ञात आरोपीनं पीडित मुलगी एकटी असल्याचा फायदा घेत तिच्यावर अत्याचार केला. तसंच तिला जीवे मारण्याची धमकी देत पळ काढला. धमकीच्या भीतीनं पीडितेनं आपल्यासोबत घडलेल्या प्रकाराची माहिती कोणालाही दिली नाही.
काही दिवसांनी अल्पवीयन मुलीच्या पोटात त्रास होत असल्यानं तिला उल्हासनगरमधील शासकीय मध्यवर्ती रुग्णालयात 19 जुलै रोजी उपचारासाठी दाखल करण्यात आलं. त्यावेळी हा धक्कादायक प्रकार समोर आला. त्यानंतर पीडित मुलीच्या आईच्या तक्रारीवरून 20 जुलै रोजी कलम 376, (अ, ब ) सह पोक्सो कायद्यानुसार गुन्हा दाखल करण्यात आला. पोलीस हे फरार नरधामाचा शोध घेत आहेत.
Web Title: minor girl was abused the case came to light as the victim became pregnant
See also: Latest Marathi News, Breaking News live, Education Study
