Home अकोले अकोले तालुक्याला जिल्ह्यातून अँटीजेन कीटच्या अपुऱ्या पुरवठ्यामुळे चाचणीची बोंबाबोंब, ५५ बाधित

अकोले

अकोले तालुक्याला जिल्ह्यातून अँटीजेन कीटच्या अपुऱ्या पुरवठ्यामुळे चाचणीची बोंबाबोंब, ५५ बाधित

April 25, 2021

अकोले | Akole: अकोले तालुक्यात आज शासकीय अहवाल प्राप्त झाले नाही तसेच अँटीजेन कीटचा तुटवडा भासल्याने चाचणी सुद्धा कमी घेण्यात आल्या आहेत. खासगी चाचणी व अँटीजेन चाचणी नुसार ५५ नवे रुग्ण बाधित आढळून आले आहेत. त्यामुळे तालुक्यातील एकूण बाधितांची संख्या ६६०९ इतकी झाली आहे.

अकोले तालुक्याला अँटीजेन कीटचा पुरवठा जिल्ह्यातून कमी झाल्याने कोरोना चाचणी घेणे अशक्य झाले आहे. तालुक्यात नागरिकांनी आंदोलन करून सुद्धा दिलेले आश्वासनाची पूर्तता करण्यास प्रशासन असमर्थ आहे. त्यामुळे तालुक्यातील नागरिकांमध्ये चिंतेचे वातावरण निर्माण झाले. तालुक्यात ऑक्सिजन, रेमेडेसिवीर, अँटीजेन कीटचा तुटवडा असल्याने नागरिकांमधून संताप व्यक्त होत आहे.