संगमनेर: नाशिक पुणे महामार्गावर डोळासणे उड्डाण पुलाजवळ मालवाहू ट्रक खाली कोसळला

संगमनेर | Accident: नाशिक पुणे महामार्गावर संगमनेर तालुक्यातील डोळासणे गावाच्या उड्डाण पुलाजवळून हरभरा पोती घेऊन जाणारा मालवाहू ट्रक महामार्गावरून खाली कोसळल्याची घटना घडली आहे. या अपघातात चालक व साथीदार बालंबाल बचावले. ही घटना सोमवार दिनांक २६ जुलै रोजी सकाळी अकरा वाजेच्या सुमारास घडली.

याबाबत डोळासणे महामार्ग पोलीसांनी दिलेली माहिती अशी की, मालवाहू ट्रक  क्रमांक जी.जे. १० टी. टी. ५४६३ हीच्या वरील चालक जानकीराम नारायण दास व त्याचा साथीदार हे नाशिक मार्गे पुण्याच्या दिशेने हरभऱ्याची पोती घेवून जात असताना तो डोळासणे उड्डाण पुलाजवळ आला असता त्याच दरम्यान चालकाचे नियंञण सुटल्याने ट्रक थेट महामार्गावररून साईड रस्त्यावर पलटी झाला यावेळी ट्रकमधील सर्व हरभर्‍याचे पोते रस्त्यावर पडले होते तर काही पोते फूटले होते यात ट्रकचे मोठ्या प्रमाणात नुकसान झाले आहे.

केवळ दैव बलवत्तर असल्याने चालक व त्याचा साथीदार बालंबाल बचावले आहे घटनेची माहिती मिळताच डोळासणे महामार्ग पोलिस मदत केंद्राचे पोलिस उपनिरीक्षक भालचंद्र शिंदे यांच्या मार्गदर्शनाखाली पोलिस हवालदार मनेश शिंदे, एकनाथ लिंबोरे, उमेश गवहाने, योगीराज सोनवणे चालक अरविंद गिरी  घटनास्थळी हजर झाले होते.

Web Title: Accident truck crashed near Dolasane flyover on Nashik-Pune highway