संगमनेर: महामार्गावर कार पलटी

January 21, 2025

Sangamner Accident: भरधाव वेगाने पुण्याकडे जाणारी होंडा सिटी कार राष्ट्रीय महामार्गावर पलटी झाल्याने तीन जण जखमी झाल्याची घटना.

संगमनेर : भरधाव वेगाने पुण्याकडे जाणारी होंडा सिटी कार राष्ट्रीय महामार्गावर पलटी झाल्याने तीन जण जखमी झाल्याची घटना काल सोमवारी सायंकाळी सहा वाजेच्या सुमारास तालुक्यातील बोटा गावाजवळ घडली.

याबाबत समजलेली माहिती अशी की, नारायणगाव येथे राहणारे हनुमंत दत्तूबा बागडे (वय ६९), रतन हनुमंत बागडे (वय ५९) व सचिन हनुमंत बागडे (वय ४०) वर्ष हे आपल्या (एम.एच. १२ एफ. के. ६१६२) क्रमांकाच्या होंडा सिटी कार मधून पुण्याकडे जात होते. ही कार बोटा गावाजवळून जात असताना रस्त्यावर अचानक पलटी झाली. या अपघातामध्ये कारचे मोठे नुकसान झाले. कार मधील बागडे कुटूंबिय किरकोळ जखमी झाले. या अपघाताची माहिती समजताच महामार्ग पोलीस मदत केंद्राचे पोलीस उपनिरीक्षक बाबासाहेब सांगळे हे आपल्या सहकारी कर्मचाऱ्यांसह घटनास्थळी पोहोचले. या अपघातामुळे वाहतूक काही वेळ ठप्प झाली होती. पोलिसांनी अपघात ग्रस्त वाहन रस्त्याच्या बाजूला घेतल्यानंतर वाहतूक सुरळीत झाली. उशिरापर्यंत अपघाताचा गुन्हा दाखल करण्यात आलेला नव्हता.

Web Title: Accident The car overturned on the highway