धक्कादायक! हॉस्पिटलात चेंजिंग रूममध्ये महिलेवर बलात्कार
Breaking News | Pune rape Case: एका नामांकित हॉस्पिटलमध्ये महिलेवर सुपरवाझरने चेंजिंग रूममध्ये बलात्कार (Raped) केल्याचा धक्कादायक प्रकार.
पुणे: बाणेर येथील एका नामांकित हॉस्पिटलमध्ये महिलेवर सुपरवाझरने चेंजिंग रूममध्ये बलात्कार केल्याचा धक्कादायक प्रकार समोर आला आहे. पीडित महिला हॉस्पिटलमध्ये हाऊसकिपींगचे काम करते. याबाबत महिलेने सुरुवातीला हॉस्पिटलच्या सिक्युरीटी मॅनेजरकडे तक्रार केली होती.
मात्र त्यांनी हे प्रकरण गांभीर्याने घेतले नाही. यानंतर पुढे या महिलेने चतुः श्रृंगी पोलिस ठाण्यात धाव घेत तक्रार दिली. याप्रकरणी, चतुःश्रृंगी पोलिसांनी सोमनाथ लक्ष्मण बेनगुडे (वय ४२, रा. तळेगाव दाभाडे पिंपरी-चिंचवड) याच्या विरुद्ध गुन्हा दाखल करून त्याला अटक केली आहे. बेनगुडे हादेखील हाऊसकिपींग सुपरवाझर म्हणून हॉस्पिटलमध्ये काम करतो. याबाबत २९ वर्षीय महिलेने फिर्याद दिली आहे. हा प्रकार जून २०२४ रोजी हॉस्पिटलमधील रेडीएशन डिपार्टमेंटच्या चेंजिंग रूममध्ये घडला आहे.
See also: Learn English
याबाबत पोलिसांनी दिलेली अधिक माहिती अशी की, बाणेर परिसरात हे हॉस्पिटल आहे. तेथे फिर्यादी महिला एका खासगी एजन्सीजच्य माध्यमातून हाऊसकिपींगचे काम करते. तर आरोपी बेनगुडे हादेखील सुपरवाझरचे काम करतो. फिर्यादी महिला ही तिच्या पतीपासून विभक्त राहते. मागील चार वर्षांपासून त्या हॉस्पिटलमध्ये काम करते. २९ जून रोजी त्या नेहमीप्रमाणे कामावर आली होती. कामाची वेळ संपल्यानंतर ती हॉस्पिटलच्या तिसऱ्या मजल्यावर खाली आली होती. या दिवशी तिला दुपारची शिफ्ट करण्यास सांगण्यात आले होते. तिला आरोपी बेनगुडे खाली भेटला. त्याने फिर्यादीला सांगितले की, रेडीएशन विभागात धूळ तशीच आहे ती जाऊन साफ कर. त्यानुसार फिर्यादी रेडीएशन ओन्कोलॉजी विभागात काम करण्यासाठी गेली. सायंकाळी सहाच्या सुमारास फिर्यादी बेनगुडे तेथे आला. त्याने विभागाचा दरवाजा बंद केला. यानंतर फिर्यादीला जबरदस्तीने चेंजिंग रूममध्ये ढकलले. फिर्यादीनी त्याला विरोध केला. मात्र बेनगुडे याने तिच्यावर बलात्कार केला. झालेल्या प्रकारामुळे फिर्यादी घाबरून रडू लागली. त्या वेळी बेनगुडे याने याबाबत कोणाला काही सांगितले, तर तुला कामावर राहू देणार नाही, अशी धमकी दिली. फिर्यादी घाबरून घरी निघून गेली. दरम्यान, फिर्यादीवर कौटुंबिक जबाबदारी असल्यामुळे तिने याबाबत कोठे वाच्यता केली नव्हती. काही दिवसांनंतर तिने हॉस्पिटलच्या सिक्यरिटी मॅनेजरकडे तक्रार केली. त्यांनी फिर्यादीकडन तक्रार अर्ज देखील घेतला नाही. तिने पोलीस ठाण्यात जाऊन तक्रार दाखल केली असून आरोपीला अटक करण्यात आली आहे.
Web Title: Woman raped in hospital changing room
See also: Latest Marathi News, Breaking News live, Education Study
