अहमदनगर: विजेचा धक्का लागून एका तरुणाचा मृत्यू
Breaking News | Ahmednagar: विजेचा धक्का लागून एका तरुणाचा मृत्यू.
पाथर्डी : विजेचा धक्का लागून एका तरुणाचा मृत्यू झाला आहे. तालुक्यातील केळवंडी येथे मंगळवारी (दि.२) दुपारी चार वाजता ही घटना घडली. सुशील गोरक्ष शिरसाट (वय २२) असे मृत झालेल्या तरुणाचे नाव आहे.
मंगळवारी दुपारी चार वाजता शिरसाट हा केळवंडी येथील शेतीतील विहिरीवर वीज पंप चालू करण्यासाठी गेला. त्यावेळी त्याला विजेचा जोरदार धक्का बसला. त्यावेळी बाजूलाच असलेल्या त्याच्या काकीने आरडाओरडा केला. शेजारील नागरिकांनी घटनस्थळी धाव घेतली. मात्र, सुशीलचा जागीच मृत्यू झाला. सुशीलला उपचारासाठी पाथर्डीच्या उपजिल्हा रुग्णालयात आणण्यात आले. मात्र, डॉक्टरांनी त्याला मृत घोषित केले. सुशील हा तरुण सुशिक्षित असून तो नगर येथे खासगी नोकरी करीत होता. सुट्टी निमित्त गावाकडे आला होता. त्यावेळी ही दुर्दैवी घटना घडली आहे.
Web Title: young man died due to electric shock
See also: Latest Marathi News, Breaking News live, Education Study
