राजूर: विनापरवाना तलवार बाळगणाऱ्या तरुणास अटक

September 30, 2024

Breaking News | Rajur Crime: विनापरवाना बेकायदेशीर तलवार बाळगणाऱ्या वाहनचालकास राजूर पोलिसांनी अटक केली.

राजूर: विनापरवाना बेकायदेशीर तलवार बाळगणाऱ्या वाहनचालकास राजूर पोलिसांनी अटक केली असून या चालकाकडून एक चंद्राकार आकाराची तलवार जप्त करण्यात आली आहे.

अकोले तालुक्यातील भंडारदरा पर्यटनस्थळावर भंडारदरा धरणाच्या सांडव्याजवळ एका वाहनचालकाजवळ तलवार असल्याची माहिती भंडारदरा दूरक्षेत्राचे कर्मचारी सचिन शिंदे यांना गुप्त बातमीदारादारामार्फत कळाली. त्यांनी खातरजमा करण्यासाठी धरणाच्या सांडव्याजवळ उभ्या असणाऱ्या एमएच १६ बीसी ०७०० या एर्टीका गाडीची झडती घेतली असता गाडीमध्ये एक तलवार आढळून आली.

गाडीचा चालक हेमंत सुनील गरगडे (वय २६, रा. बोल्हेगाव, अहमदनगर) याला या तलवारीविषयी माहिती विचारली असता त्याला कोणत्याही प्रकारचे उत्तर देता आले नाही. याठिकाणी पंचनामा करून तलवार व गाडी राजूर पोलीस स्टेशनला जमा करण्यात आली असून तरुणावर पोलिसांकडून विनापरवाना बेकायदेशीर शस्त्र बाळगणे या कलमाखाली गुन्हा दाखल करण्यात आला आहे. या घटनेचा अधिक तपास राजुर पोलीस स्टेशनचे सहाय्यक पोलीस निरीक्षक दीपक सरोदे यांच्या अधिपत्याखाली पोलीस उपनिरीक्षक माळवदे, कॉन्स्टेबल सचिन शिंदे, गोंधे करत आहेत.

Web Title: youth was arrested for carrying a sword without a license