अल्पवयीन मुलीवर बलात्कार; पीडितेला लॉजमध्ये बोलवायचा अन्…
Breaking News | Nashik Crime: प्रेमप्रकरणातून एकाने अल्पवयीन मुलीवर बलात्कार केल्याचा धक्कादायक प्रकार समोर.
नाशिक : प्रेमप्रकरणातून एकाने अल्पवयीन मुलीवर बलात्कार केल्याची धक्कादायक घटना समोर आली आहे. संशयित आरोपीने अश्लिल व्हिडिओ व्हायरल करण्याची धमकी देत मारहाण करून लॉजमध्ये डांबूनही ठेवले होते. याप्रकरणाची पोलिसांना माहिती मिळताच त्यांनी घटनास्थळी पोहोचून आरोपीविरोधात विविध कलमान्वये गुन्हा दाखल केला आहे.
याप्रकरणी सिडकोतील एका तरूणीने फिर्याद दिली आहे. पीडित तरूणीचे एका तरूणासोबत 2020 पासून प्रेमसंबंध होते. महामार्गावरील डेक्कन पेट्रोल पंप परिसरातील हॉटेलमध्ये बोलावून घेत संशयिताने मुलीसोबत बळजबरीने शरीरसंबंध प्रस्थापित केले. यावेळी आरोपीने पीडितेचे अश्लिल फोटो व व्हिडिओ आपल्या मोबाईलमध्ये काढले होते. याच फोटो आणि व्हिडिओच्या माध्यमातून आरोपी तिला त्रास देत होता. त्याने गेल्या चार वर्षांपासून व्हिडिओ व्हायरल करण्याची धमकी देत वेळोवेळी बलात्कार केला.
दरम्यान, पीडितेला लॉजवर येण्यास भाग पाडून संशयिताने मारहाण करत डांबून ठेवल्याने हा प्रकार पोलिसात पोहचला आहे. दुपारच्या सुमारास मुलगी लॉजवर भेटण्यासाठी गेली असता संशयिताने तिला मारहाण केली. यावेळी मुलीने बचावासाठी पळून जाण्याचा प्रयत्न केला असता त्याने रूमचा दरवाजा बंद करून बाहेर जाण्यास मज्जाव केला.
पीडित मुलीने पोलिसांशी संपर्क साधल्याने याप्रकरणी अंबड पोलीस ठाण्यात गुन्हा दाखल करण्यात आला असून, तो मुंबई नाका पोलीसांकडे वर्ग करण्यात आला आहे.
Web Title: rape of a minor girl Call the victim to the lodge and….
See also: Latest Marathi News, Breaking News live, Education Study
