अहमदनगरमध्ये भीषण अपघात, पिकअप खाली दबून एकाचा  मृत्यू

Breaking News | Ahmednagar: दोन वाहनांच्या भीषण अपघातात एकाचा मृत्यू झाला आहे. 

अहमदनगर: नगर-सोलापूर महामार्गावरील कर्जत तालुक्यातील कोकणगाव बायपासजवळ हा अपघात झाला.

याबाबत अधिक माहितीनुसार, शनिवारी सायंकाळी कोकणगावजवळील बायपास नजीक पंक्चर झालेला पिक-अप (एमएच-१६ सीडी ५४३१) थांबला होता. टायर खोलण्यासाठी चालक मयूर भगवान मोरे (वय अंदाजे ३०, रा. जामखेड, जि. अहमदनगर) रस्त्यावर आला तेव्हा मिरजगावच्या दिशेने येणाऱ्या आयशर टेम्पोने (एमएच १८ बीजी १३८०) पिकपला जोरात धडक दिली. त्यामुळे पिक-अप उलटला. त्याच्या खाली सापडून मयूर मोरे जागीच ठार झाला. धडक एवढी जोराची होती, की टेम्पोही उलटला.

अपघाताची माहिती समजताच मिरजगावचे सामाजिक कार्यकर्ते सोनू बागवान, तसेच जीवनज्योती रुग्णवाहिकेचे लहू बावडकर यांनी मयूरला तातडीने दवाखान्यात हलविले, पण वाचविण्यात यश आले नाही.

या दोघांनी मिरजगाव पोलीस ठाण्याला कळविल्यावर पोलीस कॉन्स्टेबल रोकडे व पळशी यांनी पंचनामा केला. मृतदेह उत्तरीय तपासणीसाठी मिरजगाव प्राथमिक आरोग्य केंद्रात हलविण्यात आला.

Web Title: accident in Ahmednagar, one dies after being crushed under a pickup truck

See also: Latest Marathi News,  Breaking News live,  Education Study