अहमदनगर: डंपरने स्कूल बसला धडक, तीन विद्यार्थिनी जखमी

Ahmednagar News:  महाविद्यालयाच्या विद्यार्थिनींना येवल्याच्या दिशेने बसला डंपरने पाठीमागून धडक दिली. या अपघातात (Accident) तीन विद्यार्थिनी जखमी.

कोपरगाव: शहरातील महिला महाविद्यालयाच्या विद्यार्थिनींना येवल्याच्या दिशेने बसला डंपरने पाठीमागून धडक दिली. या अपघातात तीन विद्यार्थिनी जखमी झाल्या आहेत. कोपरगाव शहरानजीक नगर- घेऊन जाणाऱ्या हायवा मनमाड महामार्गावर शिवा ऑटो सर्व्हिस स्टेशनसमोर गुरुवारी दुपारी ही घटना घडली.

या अपघातात  वैष्णवी ज्ञानेश्वर मोरे प्राजक्ता मिनीनाथ वाणी (दोघी रा. नाटेगाव) व समृद्धी दत्तात्रय पवार (रा. आंगणगाव ता. येवला) अशी जखमी विद्यार्थिनींची नावे आहेत. कोपरगाव येथील एका खाजगी रुग्णालयात त्यांच्यावर उपचार सुरू आहेत. याप्रकरणी बसचालक गंगाधर गणपत घुले (रा. जळगाव नेऊर ता. येवला जि. नाशिक) यांच्या फिर्यादीवरून डंपर चालक (नाव गाव माहीत नाही) याच्याविरुद्ध कोपरगाव शहर पोलिस ठाण्यात गुन्हा दाखल करण्यात आला आहे. दरम्यान चालक फरार असून पोलिसांनी डंपर ताब्यात घेत पोलिस स्टेशनच्या आवारात आणून उभा केला आहे. अधिक  तपास पोलिस निरीक्षक रामराव ढिकले यांच्या मार्गदर्शनाखाली पोलिस करीत आहेत.

Web Title: Accident Dumper hits school bus, three students injured

See Latest Marathi News, Ahmednagar News, Education Study and Download Now Sangamner Akole News Ahmednagar Live App