पोटच्या पोराने जन्मदात्या बापाचा खून केल्याची खळबळजनक घटना

Satara Crime: पोटच्या मुलानेच जन्मदात्या बापाचा खून (Murder) केल्याची खळबळजनक घटना, मुलाने बापास लाकडी दांडक्याने मारहाण केल्याने त्यांचा जागीच मृत्यू.

सातारा: पोटच्या पोराने जन्मदात्या बापाचा खून केल्याची खळबळजनक घटना कराड तालुक्यातील कोपर्डे हवेली या गावात घडली आहे. रागाच्या भरात मुलाने बापास लाकडी दांडक्याने मारहाण केल्याने त्यांचा जागीच मृत्यू झाला. याप्रकरणी कराड तालुका पोलिसात खूनाचा गुन्हा नोंद करण्यात आला असून पोलिसांनी आरोपी मुलास अटक केली आहे. पोटच्या मुलानेच जन्मदात्या पित्याचा खून केल्याने परिसरात मात्र चांगलीच खळबळ उडाली आहे.

याबाबत अधिक माहिती अशी की, मुलाच्या आणि वडिलांच्या भांडणातून मुलाने वडिलांना मारहाण करण्यास सुरुवात केली. क्रूर मुलाने संतापाच्या भरात लाकडी दांडक्याने मारहाण करत जन्मदात्या पित्याचा खून केला. तानाजी लक्ष्मण होवाळ वय 65, रा. कोपर्डे हवेली, ता. कराड असे खून झालेल्या वडिलांचे नाव असून अभिजीत उर्फ पप्या होवाळ असे आरोपी मुलाचे नाव आहे.

याबाबत संजय शामराव सरगडे वय 53, रा. कोपर्डे ता. कराड यांनी कराड तालुका पोलिसात फिर्याद दाखल केली आहे. यांनतर कराड तालुका पोलिसांनी आरोपी मुलाला अटक केली आहे. याप्रकरणी अधिक तपास पोलीस निरीक्षक आनंदराव खोबरे हे करत आहेत.

Web Title: birth father being Murder by womb child

See Latest Marathi News, Ahmednagar News, Education Study and Download Now Sangamner Akole News Ahmednagar Live App